君女介紹果套"魔王"原來好正 !
因為開始唔知個劇想講咩 ,
所以一集都冇睇過 ~
但睇咗第一集之後 ,
學姜警官果句口頭蟬:有兩個選擇 !
而家我選擇追落去 !

或者韓國觀眾真係唔鍾意推理劇 ,
所以收視咁差 !
但係我睇完第一集就跟住D/L多幾集 ,
再睇埋都係果句:劇情吸引 ~

呢套劇o既主題真係唔錯 ,
人性有兩面 : 善與惡都會集於一身 !
咁又令我諗起徐步高件案 ,
佢究竟係外人眼中o既魔鬼 ,
定係家人朋友o既天使 !?

woodstock :
因為套"宮", 我唔鐘意男主角, 所以一集都冇d/l 嚟睇.
你唔係話唔敢 down 野咩？

woodstock :
因為套"宮", 我唔鐘意男主角, 所以一集都冇d/l 嚟睇.
你唔係話唔敢 down 野咩？

用CLUBBOX下 lor ~
因為CLUBBOX下載唔似BT咁同時上載俾人 ,
咁下載D FILE咪唔會咁易俾人捉到LOR ~
而且有點數換高速下載 , 都好快下到一集 !
不過唔好處就係出品O既時間比BT遲 ~

開頭都係因為男女主角唔夠吸引 ,
所以唔諗住睇 !
但係聽君女講到咁好睇 ,
咪下一集o黎睇吓係點 ,
點知睇完第一集就想追落去 ,
不過呢類推理劇真係好關乎個人喜好 ,
所以都係睇你鍾唔鍾意呢類劇種啦 !

好, 試下 down 兩集睇睇先, 我鐘意睇推理劇架,
不過真係好唔鐘意男主角.......
"嫁給百萬富翁"睇到第 13集, 都重 ok,
不過都係套"green rose"好睇 d, 可能單純講愛情,
真係冇咁好睇啦.

家陣睇到第 15集, 開始唔 ok la.....
我唔鐘意個劇情發展呀......((
愛情至上嘅男人我最憎, 偏偏男主角就係咁.
為咗個女主角(未係女朋友)可以放棄晒前途,
事業及家人......救命呀....點解會咁架？
佢都係响"green rose"入面正 d (正好多),
可以為咗大局, 對最愛嘅人視而不見,
只有私下好憂鬱.....好 cool, 好型呀.....
唉....重有7集先睇完, 睇怕要飛住睇喇.

終於睇完套"嫁給百萬富翁"喇, 真係想喊呀,
唔係劇情太感動, 而係悶到想喊.....
一往情深到無可救藥嘅男主角, 我真係頂唔順,
太過愛情至上以及到後來夾硬的離離合合,
拖到令我覺得煩, 其實一開始真係幾好睇,
到中段都 ok, 但是後面 8集的劇情真的叫人生氣.
well, 我都係覺得"green rose"好睇好多.

依家開始睇"魔王", 希望唔太差啦.

"魔王"......有意思 好睇.
(唔提男主角喇, 會比 koon打)
個女主角嘅能力同漫畫"感應少年"一樣,
然後男主角復仇嘅行為都同好多漫畫情節類似,
所以都算好睇. 尤其要讚一讚音效, 做得好好,
如果推理劇個音效差, 真係失色不小架.

OMG~~~看完5集"魔王", 慶幸自己從它出了12集才開始看,
否則一定追到痛苦萬分. 現在可以一口氣這樣看感覺真爽.
某程度上, 此劇比同期其他劇好看, 可能是推理劇的關係,
劇情緊湊而且不是那種以談情說愛為主的劇種, 所以與別不同吧.

你唔鍾意男主角唔緊要 ,
但係嚴泰雄都做得好正 ,
加上劇情跟同期推出d劇唔同類型 ,
所以係值得睇o既 !

我都係睇到第四集咋 , 又掛住睇"順其自然" ,
個套劇已經做咗13集 , 17集就結局 ,
雖然近日d劇情有d亂 , 但因為兩位男主角都鍾意 ,
所以要努力追埋佢 !

啱啱睇完第12集, 唔知講咩好.....
實在太好睇喇
入面個個演員都做得好好
(包括我唔多鍾意嘅男主角)
期待幾日後13、14集嘅劇情發展.

岩岩睇完小丸子
實在你失望到暈
新既選角真係好唔掂
之前拍紀念版既所有角色都換哂人
小丸子又唔夠可愛，又大造作
小丸子姐姐又唔夠串
媽媽搵酒井法子真係搵著觀眾黎搞
爸爸好肥囉而且又做唔到個角色
唉............真係睇完第一集已經冇哂興趣睇落去喇
好唔掂呀~~~~~~!!!!!!!!!!

woodstock :
好彩我冇睇啫, 一早知道換晒人....
而且我十分討厭酒井法子, 真係有佢無我
(呢度有冇酒井粉絲呀？ sweating....)
所以從來冇打算睇, haha.....

講開又講
有冇人睇緊松本潤套料理新鮮人？
睇左2集覺得都幾ga唔錯bor~
值得睇一下~~

新小丸子d表情實在太做作 ~
連小玉都做得好唔自然  ~
其他同學就冇留意 ~
好同意你o既講法 ,
媽媽搵酒井法子真真唔掂 , 佢真係唔識搞笑 !
做爸爸果個呢就接唔到人地o既戲 ~
唉 ! 亞grandma都換埋 ! 剩係亞爺可以撐場...
總括o黎講-失望 !

係呀 ! 原來好好睇o架呢套劇 ~

其實當初好驚松本仲好道明寺feel ,
特登留意吓佢o既拍甲有冇搽透明指甲油tim ~
哈哈 ! 當然係冇 !! 人地話晒都係專業o架嘛 !

第一集就整碟大蝦意大利面o黎引人 ,
跟住去東京o既意大利餐廳更加唔駛講啦 !
劇情係有d老套 , 又係勵志兼初頭俾人蝦  ,
到最後得到所有人o既認同咁啦 ~

講真 ! 戲劇真係萬變不離其中o架啦 ,
所以好唔好睇都係要睇演員o既表演 ,
同埋編劇編得合唔合理 !

加上呢套劇d演員陣容真係好正 ,
所以睇完兩集後開始期待下集快do黎 ~