阿Sa與鄭中基（Ronald）昨日召開記招交代已婚及分手事宜，被大家看作金童玉女的Sa基戀，最終因了解而離婚，昨日阿Sa在記招上表現比Ronald堅強，當Ronald先講感受約四分鐘後，交由阿Sa接棒，Ronald則在旁除掉眼鏡繼續抹拭眼淚，見者心酸，期間阿Sa亦曾輕拍Ronald以示安慰。在旁的阿Sa強忍淚水表示一直以來與Ronald由拍拖到結婚，甚至分開，大家都有商有量，兩人婚事亦獲雙方家人及朋友支持，她說：「大家有共識去做每一樣決定，我哋結婚亦得到家人同朋友支持，所以一路以嚟，我哋覺得呢一樣係兩個人嘅事情，先冇選擇同大家交代，覺得係我嘅私事，亦都好想成為我哋一個小小嘅秘密。」

嗚咽感慨冇私隱
阿Sa說到此時，即忍不住嗚咽兼不停索鼻說：「一路以嚟，以為藝人有屬於我哋嘅私隱，但原來……藝人係唔可以存在私隱，今日件事已經唔係淨係牽涉我哋兩個人嘅事，已經牽涉好多唔同嘅同事。」望見阿Sa談到藝人私隱時忍不住落淚，Ronald除望一望她外，更主動將左手放在阿Sa右髀上「打氣」。

阿Sa解釋不公開婚訊是希望保護兩人及雙方家人，但到了現在卻傷害很多人，她眼紅紅說：「一路以嚟選擇唔公開，因為達成共識，保護大家同我哋屋企人，但到咗依家對好多人造成傷害，亦唔希望接住有接踵而來嘅傷害，所以今日就同大家交代呢件事。」

向傳媒鞠躬致意
阿Sa表示雖然與Ronald離婚收場，但再見亦是朋友，亦希望大家給予兩人空間，她狂吞口水說：「嚟緊希望大家畀多啲空間我，我哋都係好朋友。」此時，Ronald望住阿Sa點頭示意可以繼續做朋友，阿Sa最後更送上祝福：「希望我同Ronald嚟緊可以生活好愉快，多謝。」

阿Sa以三分鐘時間交代一切，兩人隨即情深對望，Ronald更伸出左手摸一摸阿Sa背脊，見阿Sa用口形對Ronald說：「你仲有冇補充？」Ronald亦以口形示意沒有，二人隨即站起向傳媒鞠躬致意，整個記者會約歷時九分鐘。另外，與阿Sa合作多年的經理人霍汶希接受電話訪問時稱，公司對兩人結婚、甚至離婚的事完全不知情，她說：「公司唔知呢件事，呢啲係藝人嘅私事，公司從來都唔干預，總之公司希望阿Sa得到幸福。」

多謝分享!

其實每次睇到呢 d 記招，都不禁覺得好矛盾:

- 所有事都要和傳媒同大眾交代，但到了開記招，大家見到聽到既，就是預先度好寫好的一份讀白，究竟有多少真正是自己的心聲呢?  

- 如果最後採訪到的是一份 "戲稿"，記招又有甚麼意義呢?

- 他們倆都流了淚，是為了離婚一事而慨嘆?  還是因為要向傳媒揭開私隱而感到委屈呢?  他們都是出色的演員，眼淚是真還是假的呢?

最矛盾的地方是，縱使有了那麼多的揣測，我們仍是有興趣觀看這些報導。

<就是預先度好寫好的一份讀白，究竟有多少真正是自己的心聲呢? >
<- 如果最後採訪到的是一份 "戲稿"，記招又有甚麼意義呢?>

大家都係做嘢, 交"猜""傘"...in my opinion.

我都明... 我都係種意睇番佢地台上做戲，台下 d 戲嘅劇情冇咁好睇。