[attach]24866[/attach]

睇左既朋友﹐歡迎入黎俾俾分(按右邊星星)﹐講講齣戲您鐘唔鐘意好嗎(中英文回覆都無問題)?

Hi!!! You are welcome to discuss about this movie.  Come on!  Tell us whether you like it or not!  Your review can be in either Chinese or English.  Or use the Star Rating System to rate this movie (right side).

尋找有關此電影的分享 Search for online sharing of this movie >> 天藍幫您「搜」

我由 買兇拍人 開始﹐就無錯過 彭浩翔  執導既任何一部電影勒!  雖然唔係每一部都鐘意﹐但其實亦好慶幸香港有 彭浩翔 呢一種導演﹐會時不時拍一 d比較無咁主流既電影俾我地睇﹐﹐令鐘意睇戲既我地耐不耐有 d 新鮮感。  

有 d 朋友以為 出埃及記 係好似以往 買兇拍人 ﹑AV 果 d 搞笑既電影﹐睇完可能會有 d 失望。  但其實響佢上一套電影 伊莎贝拉﹐都睇得出  彭浩翔 唔單只係識拍喜劇﹐ 佢拍劇情片亦有一定水準!

出埃及記  既訊息好簡單﹐就係戲裡都有提過既: 「呢個世界上有 d 事﹐荒謬到了一定程度，就沒有唔會再有人相信﹐，但並唔代表不存在喎!」

呢套戲既黑色幽默感都幾重﹐內容講及一個由女人組成既秘密組職﹐專去暗殺 d 男人﹐因為佢地覺得男人係賤格係低死既。  而 任達華 係釋演一個生活刻板既低級警員﹐成日被外母睇唔起﹐經常屈屈1不歡。 但都不至於係呢個殺男人組職既目標﹐因為佢都唔算係咁衰既男人。  後來巧合地遇上張家輝﹐ 從佢口中得知有呢個殺人組職﹐起初都係半信半疑﹐但後來一件又一件既事﹐令佢慢慢相信呢個組職既存在﹐令佢好似著左魔咁去查探有關呢個秘密組職既事﹐令佢由一個本來都只不過係一個平凡沉悶既丈夫﹐變成一個冷落嬌妻﹐﹑甚至越軌既「壞男人」!

張家輝演出都算不俗﹐其中一場戲大講粗口﹐令呢套電影更自然﹑更寫實。    劉心悠, 仍然係咁靚女﹐就係唔明點解 任達華有個咁靚既老婆﹐婚姻都仍然係不愉快?  當然我明白佢地係嚴重缺乏溝通﹐但 劉心悠 又唔係果隻唔講道理既女人﹐唔通男人真係咁唔知足﹐真係咁抵死?

溫碧霞,就好耐無見喇!  ﹐您地對佢呢個角色點睇呢?

我覺得呢套野ok la..
講真開頭真係唔知佢想講乜..
不過劉心悠真係好靚女
一個咁乖o既老公居然會走去搞婚外情..
點睇都覺得佢老婆好d la..

係囉!  但好明顯，當任達華同溫碧霞一齊時，佢先可以做返自己，先會暢所欲言。  究竟佢同劉心悠之間點解會出現問題架呢?  您睇唔睇得明任對劉究竟有咩不滿呢?

講真..真係唔多明..
其實佢老婆佢都幾好架la..
只係有時去左陪朋友冇陪老公之ma..
但係又做家務又煮飯咁..
又唔係話無理取鬧咁..
都算係一個好老婆la..

Sorry 遲左少少覆。

咁係唔係即係想話男人係唔知足，永遠 "隔離飯香"??  

我覺得都係架..
不過呢個唔係男人o既專利..
相信女人都係一樣

有d男人可能同老婆一起生活到某個位﹐就會變得自然﹐咩都無咩所謂咁﹐對屋企順其自然。

當時既溫碧霞係新鮮﹐俾到佢某程度衝擊。
後尾交代左任達華仍然愛老婆﹐由想同佢旅行同買公仔朱古力可顯而易見。
劇情頗
合乎情理呀﹐但空白位過多搞到有d悶@__@用音樂相隔做段落而想另人回味情節﹐無奈... 套野唔需要諗咁多。
講返D人既戲﹐唔駛點講﹐任達華夠擔正。
劉心悠確係靚 但戲份頗少﹐成日中間位插黎插去﹐唔駛點評。
反而﹐張家輝好到戲﹐雖然開頭落口供個陣好有對稿之嫌﹐但加左粗口真係入晒戲﹐選最佳男配角都得。
反而﹐溫碧霞一如舊時既佢一樣﹐成碌木咁﹐又無料到﹐又要學人講粗口同食大麻。完全無戲交出黎﹐可能佢耐無拍戲掛 XDD

都幾好睇, 但係個戲名諗極都唔明
如果唔係有張家輝&任達華 都好難吸引我去睇
故事都幾另類, 咁都俾佢諗到個題材
講開又講 劉心悠好似靚左好多 同以前好似有D唔同

出埃及記呢個名呢﹐好似係跟舊約聖經既同名故事﹐而內容好似係講d古埃及貴族女人點樣殺男人 。無記錯的話