我絕對屆禎 kachun 既感受!  有幾集真係幾殘忍呢!  例如將隻龍蝦鑒生響中間斬開兩節!  有例如好似 kachun 所講﹐整唔死佢就手勾勾浸佢落d滾水度....  睇見到心寒呢!!!

不過﹐撇除呢 d 野黎講﹐呢個節目有佢成功之處喎!  或者可能有關團體應該反應下﹐叫佢地唔好俾 d 藝人去劏d 未死既動物﹐最多要佢地由個江度羅出黎﹐見佢地雞手鴨腳就笑下佢地﹐之後就由返專業人士去處理﹐最後俾返佢地去切去煮﹐咁可能會人道小小。

kachun﹐ 其實真係每個人對呢 d 野既睇法都唔同﹐好似有人怕 "小強"﹐就一見到就一野拍佢﹐完全唔會覺得有咩﹐但如果高空跌個雪櫃落黎擲住一隻小狗﹐就會有人話隻狗好可憐... 係唔公平囉.. 有時 d 野﹐睇開 d 啦。

咁相比之下果隻"小強"都死得痛快d!!!

其實, 我都相信 "側隱之心, 人皆有之"ge!!
不過, 係睇你當時識唔識"逆地而處"啫............

根本冇得甘講，如果硬係要將食物生物化，甘就食齌都唔掂！！話說係歐美有種素食主義者，連生果都話唔可以擇，要食就食佢天然熟透跌落黎果d，話生果都係有生命，擇佢落黎即係謀殺堝，你話甘講邊有得講？？

講殘忍幾時輪到美女廚房？中國名菜猴子腦，成隻猴子生勾勾甘切開個腦黎食；日本正宗刺生亦係要生勾勾甘拎條魚黎切的；肯德基特登養d無眼無毛既實驗室雞炸黎賣呢d又有幾人道？？

如果切條魚兩刀再掉落水碌熟佢叫"用車故意輾過老婦五次ge冷血殺人兇手"，甘d漁夫一網網甘網d魚上船等佢地缺氧缺水而死呢d係咪應該叫現代焚書坑儒定係叫再版南京大屠殺？食牛仔骨既人咪即係搞出倫常大慘劇既變態狂魔？？

套野叫美女廚房唔係美女屠房，佢地唔係凈係影住佢地切野，切食物只係當中一部份，佢地並冇特意誇大過份集中焦點係準備食物既部份。講煮野食，又有邊個一出世就係高手？？係人初時煮野都會煮得唔好，你叫我切隻龍蝦我都分分鐘搞成粒鐘啦。好似你甘計既話，個個廚師都曾經係冷血殺人兇手？？邊有得甘計？？

硬係要將食物生物化，唔好話煮，最好就咩乜都唔好食... +.+"

唔係話要將d食物生物化, 而係話你整d食物ge過程人唔人道.....
我唔係話唔應該殺生, 而係話響你食佢,殺佢之前有冇要佢受無謂ge痛苦!!
如果, 你痛痛快快咁煮左佢黎食, 一d問題都冇...

我知道lee個世界上係有好多唔人道ge事發生, 可能係殘忍過"美女廚房"一千倍一萬倍, 但係唔係就代表岩!!
果d咩"猴子腦", "刺生"係殘忍, 係唔人道ar! 咁又有咩關係呢??? 難道"美女廚房"唔夠佢地殘忍,唔夠佢地變態, 就冇問題la咩?? 唔係law!

冇錯ar, 每個人都有過殘忍ge時候,包括你同我!!
但我地有冇將lee d片段擺係電視螢光幕上面, 當成茶餘飯後ge餘興節目咁娛樂觀眾ar??
不過, 宜家我親眼見到ge係"美女廚房"有咁做law!

我相信 tvb 唔係有心要俾大家睇 d 藝人有幾殘忍既... 只不過佢地無考慮到某 d 觀眾既感受姐。  當我睇美女廚房既時候﹐見到隻龍蝦被環腰分屍但 d 頭尾手腳仲郁 郁下﹐我都諗: "嘩! 如果換1轉係我俾人煮﹐我真係另願您一野整死我先煮﹐我好斬完我仲尷生蚊斷我 d 腳..."

冬冬﹐講起果 d 素食主義者﹐真係幾誇﹐我聽話有 d 仲響呼吸時要帶過濾氣﹐話唔想吸入 d 微生物殺死佢地咁話喎...... -__-

上文提要：

講煮野食，又有邊個一出世就係高手？？係人初時煮野都會煮得唔好，你叫我切隻龍蝦我都分分鐘搞成粒鐘啦。好似你甘計既話，個個廚師都曾經係冷血殺人兇手？？邊有得甘計？？

煮龍蝦煮蟹除非你次次都碌熟左佢先煮，基本上無論你斬條腰先定斬手斬腳先佢都係甘痛苦...

同樣殘忍甚至更加殘忍既事分分鐘係你同我既廚房發生緊，根本係件好普通既事。但係將件日常生活上面都會發生既事放上螢幕上面，大家就會覺得好有問題，呢種心態究竟係見唔到就係乾凈，定係唔知幾多步笑幾多步？

過濾器呢家野就真係冇聽過喇，甘變態...？

上文提要:
"冇錯ar, 每個人都有過殘忍ge時候,包括你同我!! 但我地有冇將lee d片段擺係電視螢光幕上面, 當成茶餘飯後ge餘興節目咁娛樂觀眾ar?? 不過, 宜家我親眼見到ge係"美女廚房"有咁做law! "

我相信....當一個正常人響"日常生活"中要煮一樣野果陣, 無論係一隻龍蝦或者一條魚。 如果佢係唔識煮ge話, 絕對唔會無端端買返黎, 好似"美女廚房"果d嘉賓咁"玩", 而係會搵人黎教左佢點煮先law!!! 更加如果好似你咁講, 佢係一個學廚黎, 咁就一定會有一個師傅教佢點煮, 再者一個學廚佢會有一定ge經驗, 唔會好似果d嘉賓咁手無博雞之力law!!!

相對"美女廚房"佢煮lee隻動物ge目的唔單單係要拎黎食, 而係要透過d嘉賓煮ge過程,  一個毫無經驗ge人點將隻動物折磨至死, 點雞手鴨腳, 點整d難食ge食物出黎令到d評判難受。 從而娛樂觀眾, 令佢地發笑!!!

我相信我地響廚房煮野ge目的唔會係咁law!!! 正因為係咁"美女廚房"同"日常生活"上面發生既事性質一d都唔同!! 根本唔可以混為一談!!!

另外, 我唔去睇lee個節目ge目的, 唔係話要點去評擊或者抵制lee個節目,更加唔係d咩眼不見為乾凈 !! 而係我唔忍心見到佢地咁對待果d動物law!! 試想想一個正常ge人睇到d變態或者不人道ge報導, 個心都會寒一寒la! 更何況宜家係一個個ge片段, 唔去睇絕對係一個正常人應有ge反應, 係一個正常ge心態!!! 正所謂:「君子之於禽獸也，見其生，不忍見其死；聞其聲，不忍食其肉，是以君子遠庖廚也。」

咁又係喎!  好似都冇咩好方法.. 無理由好似劏白老鼠咁﹐先用哥羅方局暈佢先架嘛....


您又冇講錯喎﹐我相信 d 家庭煮婦好多都每日響自己廚房表演緊 "美女廚房" 架!  可能有 d 觀眾少入廚房冇見過 d 大場面....  有 d 唔係咁頂得住呢 d 哲磨場面既觀眾﹐一心諗住開開心心睇下女藝人玩煮飯仔﹐嚇然發現原來煮飯係咁恐怖既﹐即刻唔敢再睇都唔出奇既。  "眼不見為乾凈" 呢個心態點都有﹐就好似其中一集阿 Fiona 見到海參未煮前咁核突﹐都話以後唔食海參勒..


其實每個人既標準都唔同。 我都覺得 d 動物好似好慘咁﹐但我又唔會話頂唔順唔可以再睇落去.. 嘉俊你對動物既愛護之心一定俾其他人強﹐所以您會有咁既感覺。  唉﹐人就係咁架喇.. 為兩餐﹐無計啦...