佢有少少抄Iron Chef啦，但係係日本直頭有個一模一樣既節目，又係搵d女明星上去鬥煮野，連個佈境都有8成似...

嗯嗯~ 佢耐唔耐爆句野又真係幾抵死~

第8集佢唔駛教煮野都有得做評判，睇黎佢可能以後集集都有份...

我覺得好笑﹐同見識到某些女星真幸福﹐未入過廚房﹐又唔識煮嘢吃﹔
某些女星有測忍之心﹐唔想生劏﹔還有﹐某些女星真係有番兩度﹐
入得廚房﹐出得鏡。

唔好話女星唔敢生劏, 男主持都唔敢啦!  佢地劏得好鬼屎呀!

遠庖廚: 遠,遠離; 庖廚,廚房, 引申為宰殺牲畜的地方。 我本書係咁寫, 老師都係咁講.....

我都想重申一點, 我唔係話佢殺d動物唔岩; 而係佢處理ge手法太殘忍!!! 人必須要食野黎維持我地ge生命, 或者我地可以進而追求美味黎滿足我地ge欲望。 而我-----身為一個肉食者, 每一次煮d活生生ge野之前都會殺左/拍暈佢先, 絕對唔會等佢郁下郁下果陣先砍佢, 甚至殺一隻"小強"都係一兩秒之間ge事!!! 可能我係冇資格話殺生唔岩, 但係我相信我有資格話人用殘忍ge手法黎折磨d動物係唔岩, 因為我不曾咁樣做過。 冇資格去話人ge, 係果d曾經做過而又覺得冇咩大不了/唔覺得做lee d殘忍ge事係唔岩ge人law!!!

我個point係, 殘忍咁對d動物已經係唔岩, 但"美女廚房"更加將lee d片段播出黎娛樂大眾, 要將d動物ge痛苦建築係觀眾身上, 係唔係錯到極點呢?? 冇錯, 好似你咁講人人都會有殘忍ge時候只係程度ge問題, 但係我地日常煮食係必要ge; 係有苦衷ge, 唔咁做我地會死, 我地可以做ge係去"憐憫"一下佢地; 盡量令佢地受少d苦; 做到低程度ge殘忍。 相反"美女廚房"咁做係不必要ge; 目的係為左要娛樂大眾, 佢地不但冇去憐憫佢地, 反而要佢地受更多ge苦; 係高程度ge殘忍。

另外, 龍蝦放尿ge方法:

放尿方法應:-

1. 先將龍蝦放在砧板上，蝦肚朝上，背向砧板。
2. 用一隻筷子從龍蝦肚門直插腹部，然後將龍蝦放在洗碗盤內，
3.  約數分鐘便可流出。龍蝦尿呈微紫色，如稀釋的啫喱水。放尿後便可以烹煮。

若白焯龍蝦便可以不用先行放尿。
                                                                                                  From Yahoo 知識

其實我真係對d女明星好失望, 估唔到佢地煮野食都煮成咁, 我覺得就算唔識煮, 都唔可能煮到咁囉, 完全唔入得口.

i like this show, but its goig to end fast, thats sad. this show is funny!!!

之前都講過，冇人天生係煮野高手，係人頭幾次落廚都係要搞一大輪架啦。點解一樣基本上只要你會入廚就會發生既野，係自己廚房發生就冇乜大不了，上到電視就會變左天地不容？？點解一個未入過廚/少入廚既新婚妻子想煮餐海鮮餐比佢老公試係廚房搞幾粒鐘先搞得掂d海鮮就冇乜大不了，一個未入過廚/少入廚既明星係螢光幕前煮野比其他明星試食，搞左半個鐘都搞唔掂就係蓄意折磨d動物錯到極點？？

另外你話殺小強都係1、2秒既事，我真係好好奇你點解拎呢樣野黎比較，莫非你可以2秒殺蟹殺龍蝦殺鱔？？我就自問唔得。你話你冇做過呢d所謂殘忍既事所以有資格話佢地，甘就梗係啦，一係你就係可以2秒搞得掂佢地，一係你背後就有人為你代勞，唔駛自己出手又有得食，你梗有資格話人格。伊拉克死甘多平民百姓都唔關布殊事格，射錯人炸錯人果d係美軍又唔係佢，佢仲好有資格甘去話果d乜乜組織發動恐怖戰爭殘忍唔人道忝。

講黎講去都係到兜緊圈講完又講，再討論落去都冇意思，就此收筆。

this show reflect the reality of the girls in HK,,,, at least 70% of them are not good in cooking, or even do NOT know how to cook.. poor.....

我由頭到尾都冇話過, 你響屋企整成日先整得一死d動物係冇乜大不了....... 如果你係唔識係唔係應該搵人教下你ar....... 咁都一樣係折磨law, 我冇話過佢岩.......... 而"美女廚房"果d嘉賓唔單至係折磨, 仲要擺出黎娛樂大眾, 咁先係"錯到極點"law!!!

仲有, 日常生活果d煮食係為左飽肚, 而"美女廚房"煮野食ge目的係為左玩, 擺上螢光幕係為左娛樂大眾, 兩者ge性質根本唔同我唔知點解硬係要拎黎比較law????

我話係"殺小強"係一兩秒之間ge事, 而煮d活生生ge野係"殺左/拍暈佢先"............ 我唔知係我d語言表達有問題, 定係你d閱讀理解有問題law???

如果你係認為lee d折磨動物ge片段咁好睇, 因為"日常生活"都有lee d發生, 所以睇都冇咩問題..... 咁我只可以講ge係, 稍為有少少憐憫之心ge人都會同情下d小動物law....... 之後你就繼續睇la!! 唔洗諗咁多野架la!! 我都冇野好講la.................