原帖由
benedictling 於 2011-9-4 16:24 發表
蛋, 請放心. 我地唔會介意你點講
. 但第一, 我講過我哋根本無响堂上學到任何嘢, 因為個先生實在太差. 所有嘢從第一日開始都係我哋自己無師自通. 至於掃風一事, 我會覺得個個bb都唔同. 小T只要掃幾吓 只要burp ...
原帖由
benedictling 於 2011-9-4 16:37 發表
我相信作為一個new father一定會有壓力同緊張. 我相信你都曾有過, 但因為你巳經過咗呢個"街"段, 所以你會話我知. Thank you! 我會承認我係介意喊聲影響到其他人, 因為其他客人享受美食同用餐時, 人哋都有俾$$$. ...
呢幾日太忙, 無時間覆. 首先我唔係嗰位凌姑娘的朋友, 而我都有幾位親人朋友上過凌姑娘的堂, 都無你講到咁差喎, 係咪你 expectation 太高, 所以先咁講呀? 再都我同蛋嫂亦從未上過任何課堂, 雖然外母係有幫手, 但主力都係我同蛋嫂湊, 但都無你咁緊張同壓力喎! 我地都係試試吓咁湊啫. 你太大壓力啦, 唔單止影響到自己, 連 Elain 同小 T 都會感覺到, 令到佢地都唔舒服!
其實我初初做爸爸時都係一舊雲, 而且一路都係比人照顧開, 但我抱住開心其自然的心態, 只要唔令 baby受傷, 錯咗咪黎過囉, 得閒上網睇吓其他父母的分享, 反而輕鬆咁去湊, 你睇到 Chloe 咪幾開心精靈!
我唔係話有 baby 的家庭就大晒, 你都見我地教 chloe 唔可以嘈住人, 但小朋友就係咁啦, 喊一段好短的時間係唔會有人投訴你, 你唔好先入為主, 自己憎呢樣先得o架, Elaine 好大壓力o架! 嗰晚佢話就話, 無乜胃口, 但都唔駛即抱走個 B 啩! 而且有小朋友的家長就係咁, 一個食一個睇實個 B , 你係咁而食就飽, 係, 你出心係好, 想 Elain 有得食, 但你當佢盲咩, 知你未食飽, 佢會食得安樂咩? 再者, 唔係睇小你, 你抱但最後都係 Elain 收科, 咁點解你唔正正經經食飽先接手呢?
至於掃風只係一個小例子, 當然每個 B 都唔同,絕對無一式一樣, 但真係未見過有人掃風囉, 唔係要掃到啪啪聲先叫好, 但真係無可能輕輕掃幾吓, 嗰 D 個個 B 坐直唔理佢都會 "erk", Chloe 嗰時可以好大聲同 "erk" 幾次o架! 相信蛋嫂去你度坐吓, 再同 Elain傾耐 d , 應該可以睇到更多問題.
