講真﹐對我自己黎講﹐服務態度唔好﹐我9 成唔會再去幫襯﹗
邊個會洗錢但想受氣﹖﹗
其實係有件真事今日發生左。

有個客入黎﹐話想退會。
我又唔知點解今日會口多問句﹐做咩要退呀﹖
(平時我好小問)
個客話﹐其實唔退都無所謂﹐但係有個SALES 態度真係好差~
最後我FIND OUT 到﹐就係之前都有比人投訴既SALES。

個客又形容得佢幾驚架窩﹗
話平時問下價､有無貨
個SALES 會好是但咁答﹕無窩､你去個邊睇下﹐有就有﹐無就無。
想要就訂啦﹗
個客話﹐你唔打招呼､唔理我都無所謂
但唔好令我問你野都驚丫﹗
又成日黑口黑面咁窩~
試過係門口﹐見係呢個人番工﹐即刻調頭走。。。


真係呢﹐我聽就覺得幾搞笑~
好彩我唔會係個客面前黑面。。。
最多個客一走﹐我先會黑面﹐甚至係鬧﹗﹗

學劉德華講﹕今時今日咁既服務態度﹐係唔得架喇﹗

我係"一定"唔會再去
好似我學校有間coeffe shop咁，無starbucks咁high啦
差唔多2蚊can一杯野飲
因為好多大陸留學生都唔可以work off campus
所以佢地好多都0係0個度做
我習慣每一返學都去買野飲
但係有個大陸人既態度真係衰到無人有
找錢係"訂"比你，好似你殺左佢阿爸咁

激得我慶慶地，最後我自己去買左個30蚊既coffe maker放0係office
之後就再無去幫襯過啦

我都係唔會再去間舖架喇....
我唔係冇俾錢wor....
仲要俾多10%既service fee tim...
然後又要受你氣!!!
sorry喇,我冇咁好既修養....

我一定去多次, 重要係好多人面前大大聲咁投訴佢!! 之後實唔會再去!!

試過有次又係咁"好"彩遇上個咁既人, o個次係銀行辨d事, 係有少少煩, 因為要拎好多唔同國藉的錢同時又要轉唔同account, 但故唔到坐後面負責數錢個比面色我睇, 重要細細聲唔知講咩, 雖然聽得唔清楚, 但實知話緊我! 當時立即叫manager出黎, 係manager面前打電話去head office投訴, 嘩 ... 當時個manager幾驚呀!! 5分鐘內連個district manager都比電話我, 問下發生咩事!! 所以有咩事立即投訴!!

早年好鍾意去某間茶餐廳食lunch !
有一次叫咗份午餐 ,
個餐係有[火腿炒旦][餐肉湯米]連一杯熱飲果種 !
好o勒 ~ 問題就出係份炒旦度 , 全部"燶"o既 !
(唔係深啡色果隻 , 而係克色果隻 !)

咁我當然即時叫果時侍應大人去換啦 ~
點知果位姐姐好似好唔願意咁 , 將碟炒旦放係水吧檯上 ,
然後就話個客要換 ! (當時我坐得好近個吧檯 )
跟住水吧果個亞叔已經用好銳利o既目光射向我 ~
然後就出咗唔知幾多份人地o既先出番到我 !
我亦一路望住亞叔係做份炒蛋時有冇"額外加料" ...
最後果位侍應大人就將份炒蛋以飛碟o既動作放係我檯 ~

最好笑就係我退咗o既炒蛋竟然好環保咁被"循環再用" !?
咁我當然好"好奇"果個客會唔會欣賞果份炒蛋 ,
點知原來好多檯客都將份炒蛋放係檯邊冇食 !

當時我亦將呢間茶餐廳o既德行send咗去openrice.com度 ,
至少俾d人有個心理準備先好入去食 !

我會先投訴
如果間野高級 d 就會同佢上面投訴
如果一般鋪頭的話
看看心情好唔好
撞岩果日心情唔好
又要我受埋呢 d 氣
就會發揮我的潑婦精神

一定永不幫襯, 再幫佢宣傳.

咁以後實會認得妳啦!!

只有此家又必須到此買賣, 去. 但投訴.

若有多於一個選擇, 不去也罷

most likely i wont go again.. unless the shop is really special