婦企跳“敎女”險枉死
【本報消息】北區一住宅昨晨發生企圖跳樓事件。一名中年婦人疑與十七歲女兒爭執後，竟以非常手段“敎女”，危坐黑沙環海濱花園十二樓住所露臺上，企圖以死相諫，目的“想個女聽話、對我態度好..”。婦人兄長及消防員好言相勸，一面伺機接近，終撲前合力將其拉回屋內，制止慘劇發生。街坊不認同婦人以此手法“敎女”，讚揚消防員救人夠專業。

家人勸無效報警求助

現場是東北大馬路海濱花園第五座十二樓一單位。企圖跳樓輕生婦人姓梁，四十三歲，家庭主婦。梁婦與家人同住上址，性格平易近人，街坊對其突作此舉動均感到愕然。

據消息稱，昨日上午近八時，當時正在住所內的梁婦突情緖激動，走出露臺開啟活動窗花閘，危坐露臺嚎哭。哭聲驚動家人，其十七歲女兒循聲察看，赫然發現身穿黑色上衣及黑色運動褲的母親，滿面倦容，面向客廳、背部向街危坐露臺邊緣，有人指正在求學的女兒“唔聽話”，企圖躍下自殺。家人力勸無效，恐發生事故，女兒致電報警求助。

消防家人撲前救一命

大批消防員、警員接報到場，但見婦人背向街外，危坐住宅露臺邊緣，不時嚎啕大哭，街上亦清晰聽到叫嚷聲。為防意外發生，消防員即時赴大廈二樓停車場，張開救生氣墊戒備。大批居民駐足圍觀，擔心婦人隨時躍下，現場氣氛凝重。

消防員及婦人兄長不斷好言相勸，一面安撫，一面伺機接近。在梁婦態度開始軟化之際，消防員及事主兄長一左一右突然撲前，將婦人又拉又抱拖回屋內。現場消息指，有人因女兒“唔聽敎”，時有爭執，危坐露臺目的為“嚇嚇個女”，藉此“改變個女對佢態度好..”。

多溝通關懷循循善誘

稍後，梁婦在多名消防員協助下送上救護車，由家人陪同送往醫院檢查，接受觀察後已無大礙。一時衝動以死“脅迫”子女聽敎聽話，無助解決問題，還會適得其反，若一時失足釀成慘劇，令家人受更大創傷。事件尙幸消防員拯救及時，終制止慘劇發生。街坊認為敎導子女必須循循善誘，坦承相對，多溝通及關懷，有助解決問題。

************************************************************
作為父母∼∼∼
用如此方法教導小朋友∼∼∼
是否真ｇｅ有效呢∼∼∼
我覺得只會令到ｄ小朋友∼∼
以為採居激烈ｇｅ行動∼∼
就可以解決個問題∼∼∼
但其實問題依然存在∼∼∼
並沒有改善過∼∼
反而可能會帶來更多的問題∼∼∼

Looking back to our Chinese history, we found some 以死相諫 before. I don't exactly recall when and who, but it did happen before.
Sometimes, I do believe that this method does work well, but that depends on the "taker" or receiver  tho. If this can really affect the taker, then yeah, it will be great for taker. Otherwise, it just would be worse.

呢單新聞係唔係發生0係澳門架？

我都覺得媽媽用呢個方法黎"教女"，會令個女"有樣學樣"
覺得用"死"就可以解決一切
唔通佢兩母女今後都要企0係0個個12樓露臺度傾計？
佢咁做絕對係反面教材
呢個媽媽真係應該送去"再教育"，學下點樣照顧小朋友

sute_snoopy :
係ar~~~~~
呢單係澳門ge新聞~~~

我都係人地亞媽 ,
個仔又剛好17歲 ,
尼個年齡o既青少年係比較自我d~

因為佢地覺得自己有番咁大個應該應付到問題 ,
所以就唔想大人係身邊阻住晒 !

其實係諗吓當年自己17歲果時o既心態就明白!

所以做父母要從小朋友細果陣多d同佢溝通 ,
如果唔係佢大咗你都唔知佢諗咩 !? 更加唔駛教 !

但係做亞媽假如真係教唔掂 , 可以向社工求助 ,
或者小朋友可以接受別人o既意見呢 !

況且生命係好寶貴o既 ~
亦都唔好俾壞榜樣俾子女睇 ,
要記住人祗可以活一次 !