嘩! 呢個 post 出左差不多半年﹐我先有機會去睇呢套戲!  聽到咁多好評﹐儲左咁多期望﹐睇完後﹐仍無令我失望﹐可見導演遊乃海真係有過人之處!  可能真係同杜琪峰合作得多﹐唔多唔少都吸收到杜導演既功力。

劇情算係幾緊湊﹐無咩冷場。 跟蹤場面都幾好睇﹐見到警方狗仔對跟人既技巧﹐不感另我嘆為觀止。  任達華既角色 "狗頭" 既造型﹐係一個有大肚腩既中年男人﹐可以表現到呢一組警察係唔係靠 "體力" 去辦事﹐而係用 "腦" 為多﹐再加上佢地要成日跟蹤疑犯﹐所以佢地本身一定要睇落唔似一個警察。  而粱家輝佢偏偏就係一個觀察力極強既人﹐佢亦係用 "腦" 去搵食﹐平日既佢﹐會經常去玩 Sudoku 去訓練腦筋 。  而徐子珊就真係一個驚喜!  我第一次睇佢響大銀幕既演出﹐表現非常出色。 戲裡面佢亦係一個新加入狗仔隊既成員﹐見到佢有出錯既時候﹐但會經一時長一智﹐令人鼓舞!

您見我俾四粒星﹐﹐就知我又唔係真係覺得 "跟蹤" 係咁無械可擊啦!      雖然話佢無咩冷場﹐但我同意 woodstock 所講﹐緊張感唔係好夠﹐就算係 hollow-man 走去豬女張檯坐低問佢做咩近住佢成日 果一場戲﹐本來係應該好有障力好 tense 好鄧豬女緊張﹐但唔知點解﹐一切都係觀眾預計之下發展﹐都估到豬女會點應對。    反而當豬女第二次見返 Hollow-man 但自己又跟緊另一單 case 時﹐我有小小擔心佢又會搞窩單 case﹐果度有小小緊張感。  音效方面亦可以再做好 d﹐﹐好幾場戲都係當我聽到 d 音樂時﹐令個場面無咁緊張﹐不過呢個亦係一般港產片有既通病。  

題外話: Minnie 有玩開 Sudoku﹐佢仲玩得既叻添!  我試過玩1一兩次﹐但未試過成功完成... >.<