咁就好喇
既然有成半年時間準備就 good 晒喇

就個人來講，我當然最鐘意西施狗狗喇
嘻~~~因為肥肥是西施，寶寶都是西施 mix
其實西施好嗲人，又好聰明架
好似肥肥咁，我前排教佢轉身
以為佢都是成年狗狗，學野無咁快喇
點知幾日就識喇，佢又好識睇人眉頭眼額喎
有次我肚痛在床上碌來碌去
佢就會望下我隻手 (因為我按實個肚)
跟住又望下我個樣，知道我唔係同佢玩
佢就走來摸下我隻手，跟住就來錫錫我面面
感動到我死
簡直成個人仔咁懂事

不過學你話齋，每隻狗狗都有不同性格
呢 d 是天生的，無得選擇
只要揀些由品種定下來的性格囉
咁~~~我當然又係 hard sell 西施喇
佢屬於玩賞犬天生善良、性格就比較細膽
但是我就覺得佢細膽極都好忠心
有次屋企廁所有怪聲
我和肥肥四目相投時佢見到我好似有點驚
佢就自己走去廁所度吠
跟住就嗚嗚聲咁
感覺佢是想鬧邊個嚇親佢媽媽咁
幾 sweet  呀 哈哈~~~又扯開話題添

不過揀狗狗如果要 match 到你的條件的話就唔好揀鬥狗、獵犬品種
鬥狗就怕佢太惡喇，
有時鬥心太強會連屋企人都要爭地位
獵犬品種就因為佢天性是追捕獵物
所以比較好動
如果主人唔夠時間陪佢玩的話
佢好容易在家搞破壞來發洩精力

另一類犬我都覺得幾好，應該幾適合你的
就是迷你玩具貴婦犬
外型好似 bear bear 果 d 呢
貴婦犬本身好聰明，即是好易教喇
教得好的話，佢會好乖好聽話
我諗你會鐘意，因為我都好鐘意

呢段時間你學多點養狗常識
到狗狗返來時你就唔使驚唔識教
有問題就上來問喇
我識的話就一定幫你手
唔識都幫你找資料架

我都覺得toy poodle好架，但係唔知點解隻隻都同樣咁既
有0的就真係好似bear bear咁(個面係平既)，但係有0的就唔似(個嘴好尖)
唔知係唔係mix左既關係啦
我以前0係報紙見過阿sa0個幾隻toy poodle，真係好得意

我有上網做過test，根據我既要求，佢地話最岩我既係八哥同芝華華
但係我bf好怕芝華華，話佢地似小魔怪
八哥都係另一個choice，但係就長年會lak毛
都見internet有好多post係話想trade八哥 (唔要佢地)，因為主人敏感
我自己個鼻都唔係好，我都好驚會係咁

花花，咁你肥肥係唔係成日要梳毛呀？同埋唔知西施怕唔怕凍呢？
我住呢度好凍架，冬天會零下２０度
我見冬天0的八哥同大狗都可以出街walk，但係就無咩見0的細狗

寶寶係mix，咁佢bb個樣同大左有無唔同呀？
因為呢邊好怪，一係就pure，如果係mix，真係可以mix幾樣唔同種，最後你都唔知佢係咩狗種

我都幫朋友樣過史立沙，佢太叻啦，成日要挑戰個主人，我頂唔住佢地0的性格

夏天就黎過啦，過左夏天就會少0的打種
因為而家開始breed，就要半年後有貨
狗狗要最少8個星期大先可以帶返屋企

我諗我會集中留意西施，八哥同toy poodle!

我有好多朋友都要帶隻狗狗比人train，最大問題係bark得太多
有人試過用spray話既好，好過用電
但係唔可以用0係bb狗度，最少隻狗要10磅先用得

而家又話打係無用，佢地又唔係人仔，你講道理都唔會全部明得晒
我見有0的專業既breeder係會幫你house train左隻狗先，我覺得佢地幾好
起碼佢地樣開0個種狗，知道點樣train佢地好0的

西施唔怕凍的
我有個朋友住北京的
佢隻西施都會去玩雪架
帶出街時幫佢著多件衫衫
不過佢毛長，著左衫好易打結
要經常梳毛至得
到夏天就要剪短佢舒服 d

寶寶細個是點樣我唔知
因為我收養佢時都歲半了
佢個樣其實是西施樣來的
不過西施唔會全身白毛
所以佢應該是和馬爾他 mix 左

想教狗狗不亂吠其實唔難的
最好就是自己教佢喇
我初期都買過用電的給肥肥
不過親眼見到她被電到飛起時
見過一次都唔會再幫佢載等二次
跟住就決定自己慢慢教

記住一條不變的定律
每次見到狗狗做錯事時
你要第一時間，記住是第一時間
走去佢面前 "NO" 佢
就算當時佢同你玩緊好
你做緊野都好
第一時間行過去用嚴厲的眼神瞪著佢
跟住就即時比個口令 "NO"
再嚴重點時可以加埋動作
我睇書教的，學狗媽媽咁懲罰頑皮小狗咁捉起佢後頸皮
跟住兩邊搖佢 & "NO" & 勁啤實佢
三招一齊出，佢就知道你唔係同佢玩
好快就會記住當時佢的行為會引致你唔高興
壞習慣就會好快改架喇
好 work 架，肥肥都是咁樣比我教到佢知道邊 d 做得邊 d 會比媽媽鬧

狗狗的即時反應好緊要
每次佢做得岩你就大罵
做得好時就即時讚佢獎勵佢
佢會記得的

你要做的就是要記得你邊種口令代表邊樣野
口令一定要簡短、清楚、響音重
面部表情就好似做舞台劇咁，誇張一點就更好
你越誇張佢就越容易記清楚個分別

唔知你明唔明我講乜？
唔明再問我喇

Pugs ar no bad too ar.. they ar very cute and if u can really train them well.. they ar really good too...

依?我新黎架﹐arm arm先見到呢個post﹐唔知買左未呢??
我都係外國住﹐你有無養狗既經驗架??
其實如果無﹐我建議你領養
一來平好多﹐二來係善事
最重要係第3﹐隻狗有返兩歲﹐樣﹐性格﹐身型定晒
你唔洗怕你教唔好﹐唔靚﹐或者太大隻
同埋外國有D好好領養既組織﹐會教埋你要留意D咩
如果養唔掂﹐仲可以比返個組織
所以好好架~
我呢家養緊3隻都係領養

領養組織?  我真係有興趣知多 d 喎! 可唔可以介紹一下呢?  

我住LA既﹐0甘早兩年就好想養返隻狗
所以就去Pet's mart同 Petco睇下啦
就發現有個叫Animal Avenger既組織
每個禮拜定時定日0係Pet'smart擺檔
Petco都有得二個組織
0甘就見到隻husky mix﹐幾靚幾得意﹐0甘就傾傾下
發現唔係一定要直接領養﹐我可以暫時助養﹐即係我屋企住﹐就個組織包糧食同醫療﹐但係我就每個拜帶返Pet'smart睇下有無人會領養
0甘好快搞好手續﹐過兩日有個人帶住Tonka (隻husky mix)黎我屋企
視察下﹐睇下識唔識合﹐我地錫錫狗﹐隻狗接唔接受到呢個新環境
OK晒﹐講埋Tonka既生活細節就放低左~ 個男人每個禮拜都會打電話or親自黎睇下﹐確保Tonka住得舒服﹐定時定候仲會帶Tonka去打針
0甘過左一排﹐Tonka就好跟我地﹐我地就做埋手續直接領養﹐左$100美金。再之後就0係同一個組織領養埋Phoenix (Samoyed)。第二隻就無再收錢。
一年半前﹐我自己再0係動物協會門口﹐人地唔要隻Saint Bernard﹐我就又接埋手~
手頭上呢家有3隻怪獸~

我平時去petsmart 時都見到你講既組織
次次見佢地時都係全部人圍住個圈，然後教d狗狗唔同既指令
有時仲見到如果d主人冇好好拖實d狗狗，搞到佢地全部追黎追去，好搞笑

咦? 我響東岸既 Petsmart 唔多覺有見到 Animal Avenger 喎!  又或者我去得唔夠多.. 去親都係買完 "蛙糧" 就閃..

我覺得幾好喎!  我呢 d 有少少興趣養狗，但又怕養唔掂唔想 commit 晒，可以睇下 Animal Avenger 可唔可以幫我安排喎!  試養左如果搞得掂，當然對隻狗狗都好啦，萬一養唔掂，相信佢地都會盡力協助。

Littlelover 您又係住 LA 架?

tc2218 我岩岩先響 LA 返黎!  過去有 d family 野搞。  LA 真係好旺又多野食!