其實新天藍一向冇乜人用精華主題數量黎比較實力，原因係 1) 版主未必有咁多時間； 2) 以版主既主觀角度去評核，好多時會出現不公平既待遇； 3) 若然真係要公平，就要有多位版主一同處理，但新天藍既人手暫時未能做到。

所以新天藍先設立 X-Seek 懸賞系統，由有需要既會員親自懸紅問問題，由該會員親自揀選答得最好既會員，親自將 d 懸紅積分分俾 d 回覆者。 而每一個開啟左 X-Seek 既版區都有一個 XS 榜，分出高下。  但有時會員未必識用 X-Seek，又或者未用過唔捨得羅自己 d XS 出黎問野，所以我地又有一樣野叫 "天藍出手"，即係當版主認為該問題問得好，就會使用 "天藍出手"，由 新天藍 幫作者出 XS，但最後都係由作者自己分 d XS 俾回覆者 (除非作者失左蹤，咁就會由版主代辦)。

至於新天藍既歷史..... 嘩! 唔知由邊度講起喎!  不如咁講啦，新天藍既前身係 森林國度 (唔知您有冇聽過)，自從部份森林國度創辦人停止運作後，剩餘既行政人員聯同一 d 新合作伙伴，開設 新天藍 網站，繼續發揮 森林國度 時既宗旨: 力求創新，盡量脫離 "人有我有" 既做事態度。  所以，響新天藍，您會搵到好多係新天藍獨有既功能，又或者係一 d 比其他論壇早推出既新概念，而後其因為 "我地諗到覺得好用，人地都會諗到或者借用" 既原因，其後會見到大型論壇相繼推出類似既功能。 呢樣其實亦好難避免，不過最緊要都係用者能夠受惠姐!  

好似聽過...
而XS 依個系統都幾得意~
但係可能我比較古老，仍然停留o係3~4年前o個d得精華貼既年代@@
哈~
所以XS同精華都要~
多d努力付出一定有好既收獲既~

haha
好似我呢d 懶人..
係唔會因為有精華貼或者有XS 而多d 講野..
只係諗到乜就講乜..
要去計住點樣先有精華同XS太辛苦la ..

但係你有好多XG喎~

你玩多一排就會有架啦！