我買咗nbox,本來註明可以出srt字幕檔,我dl咗一啲avi的外文片,但我依足說明書做,都出唔到字幕,真係好失望,我真係唔知做錯咗乜,各位用過nbox的大佬,可否指教吓小弟,謝謝.

首先，srt 同 avi 一定要喺同一 folder，呢樣您應該知啦。

咁有冇試過喺電腦成功播放到同一個 srt 檔嘅字幕呢?

如果 OK，咁喺 NBOX 放緊個 video 時，用個 remote control 按 OSD，畫面下面就會出現一個 menu (stop, pause, fast forward 等等)，其中一個好似 tv 嘅 icon，就係 subtitle on/off 嘞!  

如果呢個方法都唔得，咁就真係冇計....

多謝版主,我試過你所講的所有方法,在電腦看完全無問題,但在nbox無論用簡體字,繁體字或英文字幕的srt檔,都係點攪都唔得,曾試過三部nbox都係一樣,無法,唔知係咪呢部機有出廠錯誤,真係無法.

咁奇? 三部都唔得又奇怪喎!  您揀選 "電視 icon" 後，個 icon 下面有冇多左一劃呢 (see below)?

按咗OSD後,見電視仔icon下面早已有一劃,按下後,由原來白色變藍色,但只係咁,其他完全有反應,亦冇出右上角個subtitle:on個訊息.

Sorry 有少少講得唔清楚，OSD menu 上個電視仔icon下面係經常有一劃係唔會變嘅，當您按 arrow button 去個電視仔icon，然後按 OK button，右上角就會出現個電視 icon，您重複按 OK，佢嗰一劃 (or 四點, depends on the firmware version I think) 就會 出現/消失 (代表 ON/OFF)。

當佢係 "ON" 咗時，subtitle 都唔會立即出現，要等 OSD menu 消失咗，subtitles 先會顯示。 您可以再按 OSD button 令 menu 消失，又或者等佢自己消失。

我剛試過我嗰部係咁，希望您嗰部都係啦!

我點按都按唔到個電視仔icon出現在電視屏幕右上角,睇嚟我地在呢度買的nbox,全部都係次貨都唔定,無法.不過不管如何,仍要多謝版主的幫忙,再三謝謝!!

"全部都係次貨" 好得人驚喎!  喺邊間買??  講出嚟等其他人唔會賴嘢都好喎!

再問多您一樣嘢: 您話按唔到個電視仔icon出現在電視屏幕右上角，咁在 OSD menu 上其他 icons 有冇反應呢?  如果有，咁會唔會係電視畫面比例令到 "右上角" 係喺 "屏幕之外" 呢?  

另一個測驗可以再試嘅係: 照番我之前所講地按 OK 去 "turn on" subtitles，但唔好理右上角 icon 有冇出現，等待 OSD menu 消失，如果 subtitles 冇出現，咁就假設您剛才關閉左 subtitles，再重複動作去 "turn on" 番佢，照樣等 OSD menu 消失，如果都係冇 subtitles，咁就真係冇晒計喇!(記住每次按 OK 唔好多過一次)

呢部野係喺canada computer買,黑色機身,我先買一部,攪唔到字幕,按幾按,連個遙控都壞埋,結果去換過一部新機,之後又同人買咗一部,一共三部,全部都出唔到字幕,不過見佢賣得平(連稅約40蚊加幣),其他各方面都無問題,所以便照用至今.

咁又真係幾激氣!   但 $40 加幣又真係算平喎，我當時朋友買係 HK$700 咁上下。  不過近期 d rm player 真係平咗，WD Mini after rebate 都係 US$40-50。