由 Washington D.C. 開車去 Frederick 要大概一個鐘左右。
Golden Corral 其實係一間連鎖自助餐廳﹐所以都唔一定要去 Frederick 食﹐可能近住你去既地方都會有一間。
d 野食就粗粗地﹐但係就夠平!! 平日我同 d friends 諗唔到食乜﹐就會去 Golden Corral 俾 USD 11 任食燒牛扒!! 其實真係好抵架!! 十一蚊美金﹐又有牛扒﹐又有湯﹐又有沙律﹐又有水果﹐又有雪糕甜品﹐仲有好多其他 d 西人自助餐必有既野食﹐例如炸雞､pizza､意粉､魚塊...等等﹐仲要係任食! 我既宗旨就係: all-u-can-eat buffet 唔洗食得多﹐只要食足個價錢應該可以食到既再多少少﹐已經有賺。
所以 Golden Corral 的確係我去食西人 buffet 既首選 (但如果你想食靚野貴野好野﹐就唔岩你勒)。
一坐低個侍應就會俾一籃又熱有軟既餐包我地。 唔好睇小呢一籃餐包呀﹐係我地去 Golden Corral 必食架!! 因為真係唔係度度食到咁既質數既餐包!! 令我諗起香港!! 要一提就係佢地既牛油係加左蜜糖既﹐幾好味架!!
環境就一般西人平價自助餐既格局。
d 牛扒係有個人響度燒﹐你想要幾成熟同佢講﹐佢會羅俾您。 遇著 d 有心 d 既﹐就會切開再問你岩唔岩﹔ 否則就靠估。 不過通常都估得 ok 既。
通常我一開波就整返個沙律配五成熟牛扒﹐其實食完以經本飽。
佢地有四種湯揀﹐我就最鐘意個忌廉周打魚湯。
第二輪我都係食返牛扒﹐不過就會加多幾樣其他我想食既野﹐唔可以羅太多﹐因為真係會食唔晒! 話時話佢果日 d 炸魚柳幾好食喎!
之後就會食生果勒!! 佢地岩岩呢次 d cantaloupe 就幾甜﹐但士多啤喱就麻麻地勒。
雪糕就唔似得港式果 d 咁﹐又芒果又耶子... 呢度只係得軟雪糕﹐都有幾種味度既﹐包括 vanilla, chocolate, orange 等等。
鐘意既可以羅埋個 cone 食又得。 有時我地就會臨就羅個 cone 一路行一路食﹐佢地唔會話 d 客人既。
http://www.goldencorral.net/
