。。。這時啡啡已經停下了牠的尖叫，而是牠驚怕及痛楚的哀鳴，嗚嗚的叫著，我把牠放在地上，用毛巾包著牠，牠不停的在震。我再扒在地上看牠的肚上的傷勢。這時，我看到很多血，白色的毛也被染成血紅色。我看到有兩個牙孔，雖然其中一個還是有血流出來，但整體來說總不是流血不止。老婆馬上打電話及我爸爸媽媽，我則馬上打電話去24小時動物醫院。

啡啡爺爺麻麻很快就趕到，看了看啡啡的肚皮，說，止血了，這時啡啡的眼神回復平靜了，只是有一點嚇怕了一般，但見到爺爺的出現也擺著尾巴來。

爸爸卻說，這樣是不成的，因為可能傷了牠的腸，必定要看醫生檢查一下。

他馬上架車往旺角去，醫生把啡啡肚皮上的毛刮去，再檢查那些傷口，醫生說，有兩個牙孔是很表面的皮外傷，另外一個刺穿了肚皮，看到腹膜，不知道有否傷到腸臟，要做手術檢查。就是這樣， 啡啡再度比麻醉。。。

oh, my god.......咁點呀？不過我見你咁寫, 啡啡依家應該冇事呱？
咁隻沙皮到底有冇主人架？咁嘅情况可以向邊度投訴？
以前好似叫"漁農署", 係咪可以搵人嚟捉咗行兇嘅狗架？

如果啡啡真係無事, 算係不幸中嘅大幸, 因為沙皮真係會咬死人架,
何況係小狗, 好彩你打佢, 佢當時肯放口, 有時可能會死都唔放,
又"始"又咬, 佢亦冇轉移攻擊你, 真係好好彩喇.

呢 d 嘢真係防不勝防, 咁你以後帶啡啡出街會唔會有陰影呀？
又會唔會帶定 d 咩防身呢？

希望啡啡早日康復, 生生猛猛.

ooooh my goodness ...

how is ur dog now ?     poor ...     hope 啡啡 feeling better ...

啡啡而家點呀？
咬穿左個肚皮咁嚴重
真是大件事......
好心痛呀

死喇~~~~
我忍唔住喊埋出來添
個心好痛啊

好彩你最後都拉得開隻沙皮
唔係就真是慘喇

你帶啡啡出去會唔會帶水架？
順便講埋比其他狗友知
如果比其他狗攻擊
有水的話就照頭淋落去
狗狗唔知發生乜事
通常都會放口來保護自己被水淋到的眼和鼻先

係呀，沙皮是鬥狗來的
佢真是可以咬住唔放架
所以睇到啡啡老豆咁講我都驚到手震

住得村屋的狗狗通常都比較惡
可能佢地的作用是保護自己地盤
所以見到有第二隻狗經過都覺得受威脅囉

我住果度都有好多山狗
所以我帶肥肥落街一定唔會放繩
而且會一眼關七咁望住山狗會出現的方向
唔怕一萬最怕萬一

好明白啡啡爸爸的心情
我作為一個看文字的旁觀者都平伏唔到心情

啡啡加油呀
可憐的小啡啡

係喎, 花子講得啱, 用水可以嚇走一般小動物,
我响屋企都係用淋花那種小型噴水壺來教訓我家的小貓,
萬試萬靈, 一噴到牠們的臉部即時"走夾唔頭",
你下次帶啡啡出街最好帶定一個嚟防身,
應該好有用.

我覺得其實帶乜都係假，睇清楚最緊要。果朝早我只聽到狗的跑步聲，還未睇清楚隻狗已經咬左啡啡啦。就算帶支鎗都無用呀。依家我都好驚。我諗我以後都係搾車送啡啡去無人無狗的地方便便算啦。

真係好大個陰影。

帶枝水旁下身以防萬一都好
用唔著都可以比啡啡飲丫麻

係呀
有時屋企果兩隻野玩到癲晒時會玩到過晒火
打到兩個都 "Wu Wu.." 聲，叫都叫唔停果陣
我就會沖入廁所拎支水來噴面面
通常都 work 架
噴濕左面面時佢地就掛住用手撥返面毛
就唔記得左打架囉
不過跟手兩個都比我罰企