如果唔係朋友介紹，又未必會識得去呢間位於 Richmond 嘅日本餐館喎!  喺得 Richmond 一定會諗到食中國菜，就算見到日本餐，都會覺得係中國人開嘅，"日本" 極有限啦!  但我呢位朋友經佢嘅日本人朋友介紹，所以認識到呢間日本 Fusion 店。  老闆同廚師都係日本人，而廚師本人應該係太子女添。 佢本來係一個鋼琴老師，所以餐室內有一座鋼琴喎!  如果遇著個廚興起，會走出嚟演奏一曲添!!  後來佢移民加國後，轉行鑽研廚藝，去咗讀 法式烹飪，最後自己創製 日本 Fusion 菜式，所以 Bon Qu La 算係一間幾有情調嘅日本食店，唔會商業味太重，好適合情侶或三五知己放工後去食下嘢傾下偈。

當日我掛住同朋友聚舊，所以冇乜影相。 Minnie 叫咗炸豬柳，我食咗幾舊，炸得嚟舊豬柳又唔會乾，食得出係真係研究過，有心去整得好 d。而我叫咗 Hamburger Steak，味道調得好好，d 牛肉我就唔識得食佢係好定唔好喇，對我嚟講，我好滿意架喇!  

[attach]59902[/attach]