被譽為球王接班人嘅美斯，年底會帶埋一班兄弟，同佢偶像馬納當拿組成嘅球隊踢一場慈善賽，兩代球王同場獻技，自然星光熠熠，呢場新舊球王嘅決戰，將會喺今年十二月二十二日舉行！  

肯尼基亞哥高查榜上有名

有「新馬納當拿」之稱嘅美斯，暫定會搵沙維奧拿、列基美同埋阿古路組成一支「美斯隊」去比賽，至於馬納當拿方面就會以一眾阿根廷名將迎戰，肯尼基亞同哥高查都係「馬納當拿隊」嘅成員，而且名單會慢慢再公布。

美斯有機會同偶像一齊踢波當然高興啦！更加值得高興嘅其實係大家對佢嘅肯定，事關可以同球王並駕齊驅，仲搵到咁多球星撐場，證明咗美斯喺阿根廷已經有極大嘅影響力，相信美斯嘅新球王地位會愈來愈穩固。


風之子都有.....正啊~~~
唔知會唔會有巴迪高?

無錯，呢個消息實在令人振奮。哈哈哈.........辛仙尼呢？會唔會有份呢？

唔知到時會唔會有電視台播呢？

馬納當拿依家仲跑唔跑得郁ga……
不過睇陣容明星雲集應該會好好睇，期待下~

Messi is not as good as the ppl say je

嘩!! 辛仙尼都重記得!! 還有韋華斯、盧比斯、巴敵高等球星呀!!