隨  玻 璃 門 被 鐵 鏈 鎖 上 及 大 鐵 閘 徐 徐 落 下 ， 標 誌  在 港 度 過 25 個 年 頭 的 日 資 百 貨 公 司 「 三 越 百 貨 」 正 式 結 業 。 有 結 婚 數 十 載 的 老 夫 老 妻 昨 日 手 拖 手 重 遊 三 越 ， 希 望 重 拾 當 年 拍 拖 感 覺 ； 也 有 已 移 民 外 地 的 老 員 工 昨 刻 意 回 來 ， 與 相 識 多 年 的 舊 同 事  舊 ； 市 民 則 趁 結 業 大 減 價 搶 購 平 貨 。 三 越 的 結 業 沒 有 帶 來 特 別 傷 感 ， 卻 勾 起 了 不 少 市 民 的 美 好 回 憶 。

真係好唔捨得呀
記得以前0係香港，每個星期都會去銅鑼灣行街
而每次都會入去三越行下
下次返香港又少一個好去處啦

成班都is!?

上網睇資訊睇得好快噃~~~
咁快就知道3越結業~~~
不過3越都係想搬個大d嘅地方啫~~~
遲d返嚟會可能會有新嘅3越嫁啦~~~

ah_cho :
聽講話會走高檔路線

郎中﹐其實早在個多月前係有提過會結業﹐而尋日就係真正結業姐~
但我覺得三越無咩好行﹗你話SOGO 執左我會覺得大鑊D。。。
哈哈哈~

ah_cho :
我多數去行ice fire咋
sogo越黎越唔好行啦(比起未有jumbo sogo之前)，唔知點解

以前行過銅鑼灣，尤其是夏天，都鍾意「中」落去三越行個圈，唔係買野、亦唔係為左行公司，而係為左落去涼下冷氣、過個冷河，順便飲杯日式咖啡.......

揀三越的原因，是佢無咁多人行，無咁迫、無咁嘈.......  Sogo 實在太多人，我一入到 Sogo 就想即時走人.......  去三越過冷河舒服得多......

既然我都因為三越少人行而揀佢來過冷河，可以想像三越執笠算執得遲了......  唉~~  又少了一個鬧市中可以優閒、舒服地過冷河的好地方....

ah_cho :
日式奶茶，諗起都想飲
以前佢間日式餐廳叫"美多詩"，我仲記得
佢地個焗海鮮飯好正

個個人入丁去都係..涼下冷氣、過個冷河,同埋only飲杯日式咖啡..
咁佢唔 關門大吉 都好難啦@o@

我就無咩特別
事關我連邊度有三越都唔知
我又極少過海∼∼

ah_cho :
芬姨係九龍人？