東方日報專訊】成龍前晚在李宗盛(新聞 - 網站 - 圖片)演唱會上醉酒鬧場，連環爆粗，又指摘李宗盛睇錶，再「兇」樂手不聽指揮亂起音樂，擾攘了廿分鐘，觀眾群起鼓譟用粗口回敬，成龍因而自嘲是黐線佬並鞠躬道歉，但有觀眾就致函本報怒轟成龍有失旅遊大使身份，影響香港形象！
前晚李宗盛尾場演唱會，嘉賓有張艾嘉、張信哲、周華健、房祖名(新聞 - 網站 - 圖片)和成龍，連續兩晚上台過足唱歌癮的成龍，前晚十一時十五分帶醉上台，一開口已爆粗：「我好少呢種場合飲醉，我今晚真係醉，『×』……你滷味！死！講粗口添！」
成龍粗口一出，全場嘩然，他解釋剛招呼廿幾位日本(新聞 - 網站 - 圖片)朋友，所以飲醉了，連記憶都模糊：「我講乜,唔記得我講乜，死……我真係醉，道歉先（向觀眾鞠躬），我同所有人講對唔住，飲醉酒唔應該上台，我知我度出醜，我寧願出醜。」
觀眾齊鼓譟
唱了兩首歌的成龍，意猶未盡要再唱《真心英雄》，觀眾不耐煩，開始鼓譟，連成龍都冇面畀，四字粗口在台下此起彼落，「返屋企啦」、「好煩」、「收聲啦」不絕於耳，但成龍在台上就充耳不聞，還鬧李宗盛睇錶：「過時我畀！你做乜成日睇錶」
當樂隊奏起音樂，成龍又大喝說：「Shut up！做乜起音樂唧？我話起至起！依家唱《真心英雄》！」還即時扮指揮家指揮樂隊，豈料琴鍵手一彈琴，成龍竟衝上前手指指「兇」他說：「你好寸?！我未數一、二、三你就起，你邊度？」罵完又再玩指揮說：「你滷味！好過癮！《真心英雄》一、二、三、四！」結果樂隊先後起了六次音樂，才令成龍滿意，不過當他一開口唱歌時，觀眾就勁噓。成龍唱完歌後得意忘形說：「我們謝謝李宗盛，今天參加我的演唱會！」觀眾即時柴台，成龍才正經說：「我今天騷擾你，突然有個黐線佬，謝謝李宗盛！」因成龍阻延了不少時間，個唱超時至十一時五十五分才完場，被罰四萬多元。
成龍離開紅館之際，在門外接受有線訪問時再次道歉：「我醉！覺得自己好醜囉，sorry！」惟昨日他醒後接受記者電話訪問卻死撐說：「我冇飲醉酒！冇事！同觀眾玩得好開心！我係飲大、high！但好清醒！（係咪講粗口）我係對住李宗盛講『妖』，講得快。（有讀者投訴喎）唔係事實，唔係飲醉！」不過成龍兒子祖名就代父道歉謂：「好抱歉，對觀眾好抱歉。（畀老竇幾多分）幾分囉，真抱歉，希望唔好再有呢種事！」
李宗盛包容
雖然成龍酒後爆粗，但仍獲好友力撐，李宗盛在慶功宴上說：「唔能夠話佢\\\定唔，佢好真性情，佢\\\個人係咁，我好了解，大家原諒佢，自己平時順口都會溜兩句。（台上講粗口唔好喎）係囉，唔係幾好！」周華健則騎騎笑說：「今日唔係成龍演唱會咩？（聽唔聽到佢\\\講粗口？）我對面酒店都聽到！自己九月開演唱會，唔知點面對，或者做個牌畀佢掛住，唔畀佢\\\講粗口，唔畀佢超時。（會唔會請成龍做嘉賓？）你以為李宗盛請佢\\\咩？係佢自己！真係『讓我歡喜讓我憂』，其實成龍係一番好意，佢\\\好錫李宗盛。」
不過，本報昨日收到讀者投訴指成龍行為失當，當中包括：「成龍先生作為向國際宣傳香港的大使，理應自重，顧及自己和香港的形象。」旅遊發展局發言人對此表示：「本局好關注呢件事，立即同成龍方面聯絡，經理人話佢唔香港，等佢\\返再傾。（擔唔擔心影響香港形象？）不願置評！」
唉..........佢咁點代表香港呀???
我估大家都睇過成龍講粗口呢段片嫁啦, 但係如果你仲想"回味"下當晚的"成龍精彩表演", 就click下面嚟睇啦！！！
[youtube]N8dcoqKJYyE[/youtube]
[youtube]zD77lAX-uG8[/youtube]
