唉~~~
辛辛苦苦閉關一月
應付考試
依家終於重見天日
係度同個班仲要面對考試o既小朋友講聲....

辛苦晒啦~~~~

多d關心媽咪

錫下佢啦

咁就講下您閉關時既生活係點架呢?  

米奇，好耐無見！
閉關個真就超級充實啦！
朝早帶左囡囡返學
攪掂晒家務就開始做功課︰出試題
其實都係將d作業重新印出黎
比囡囡做多次.加深印象
亦從中再解釋比佢聽
等佢真正明白

但原來都唔輕鬆架........
(((

嘩!  您真係好似開補習社咁喎!!  

原來做媽咪要咁架?  真係好有心機喎!!  呢個方法都幾好喎!  

如果幾個家長一齊做會唔會容易 d 呢?

tungb :
應該係o既...
可惜.....我同其他家長唔係好熟絡
所以都係單人上馬
-__-

歡迎您重新加入新天藍呢個大家庭~

tungb :
多謝你兼羨慕你啦！
幾咁輕鬆！
>__<

聽落最慘0個個係你個女啦
你雖然係辛苦，但係佢細細個，日頭要返學，放學仲要做咁多"試題"
有無諗過佢係唔係真正學到野呢？
書本上面既野係有一定重要，但係點解要"死做難做"，做到發夢都記得？
做家長想仔女好，呢一點我都明白
我自己都要考試，但係覺得如果要咁樣讀法，我諗我會發癲
學校成績係唔係真係咁仲要呢？
我覺得所有都係教學制度既錯，遲早迫死0的學生同家長
最後想講一句，中小學考試100%，考第一，都唔表示佢將來一定會0係社會係第一
點解唔比返少少童年0的小朋友呢？小朋友應該係無憂無慮。。。

tungb :
有時礙於香港教育制度都冇乜辨法！
不過暫時囡囡都未至於正式有壓力
仲算幾開心添
因為我係用番自己教學個套同佢溫習
即是□晒道具出黎玩
反而之前因為要適應學校功課
做唔到呢d活動佢覺得仲慘！

哈哈 ! 做人父母甚艱難 ~
想當年自己幫個仔補習時 ,
每日都要預習同搵資料 ,
真係自己讀書都未有咁緊張 !
而家我個仔已經讀中六o勒 ,
佢自己已經識得自己溫習 ,
唉 ! 有d開心但亦有d失落 ~

tungb :
架架架~~~
多數都淨係聽到d家長話"甩難"
好似你覺得失落都冇幾多個
^o^

你既講法都啱 ~
不過當年我就係放任個仔 , 點知一個唔覺意 ,
係小五果時"滑鐵盧", 幾乎要升上d打交中學 ,
有時適當咁幫小朋友溫習都係有必要既 !
所以又係果句話 :做人父母甚艱難 !

tungb :
咪就係咯！
我唔介意佢成績點
只係擔心入間學校操行有問題
某方面黎講
都算係自己害左佢架！
-____-III

如果比得太大pressure佢地，最後會令小朋友怕左讀書
都頭來咪仲慘。。。
我爸媽都唔係好有學識既人，中學畢業咋
小學0個時都會幫我地溫下書，問下書咁
但係都左中學就無啦，一來0的野唔同左佢地0個個年代，二來佢地再無咁多時間
之後都係自己顧自己，最多係考完試問下識唔識，但係我地既model answer係：識唔代表岩。。
諗下諗下又咁多年啦，我仲記得以前讀high school，人地問我爸我讀grade幾佢都唔記得
都入左u，人地問我讀咩，佢都係唔知，真係好搞笑
小朋友細既時候，係應該教佢地點溫書，同埋要比佢地知道點解要讀書。。。。
我覺得咁樣點都好過迫。。。
其實教仔最好既方法就係比佢地挨下，比佢地知道都靠勞力搵錢係好辛苦
同埋呢個時勢真係好難再有李家誠。。。。

tungb :
所以暫時我都未算有正式壓力比佢
到現時為止佢都好投入咁玩
有日佢仲問我︰媽媽，我地今日玩英文定玩數學呀？
>Q<

我都係同個仔講讀書主要唔係為咗搵錢 ,
而係為咗自己既將來可以多d選擇 ,
讀書除咗學識外就係個人既修養 !

我都係讀書少至想自己既仔女讀多d書 ,
但係佢細個果時都唔會迫佢 ,
就係咁佢小五果時成績唔好 ,
當時我都冇責怪佢 , 只係同佢分析點解成績差呢 !?
係咪盡咗力呢 !? 係就唔駛難過 ~
如果唔係就要搵個方法去管理自己 ,
小朋友係要玩但係唔可以玩過龍 !
佢自己反省後就發奮咁追 ,
小六既成績升番好多 ~
人好多時要經一事長一智既 !

tungb :
搵錢.....
冇諗到咁遠啦
家陣都係等佢明左個內容先
都已經諗爆頭咁滯
@﹏@